Kaupapahere tūmataititanga
Ka pā tā mātou kaupapahere tūmataititanga ki ngā mōhiohio whaiaro katoa i kohia e ngā kaimahi a Kāinga Ora – Homes and Communities, ngā kaikirimana me ngā rōpū tuatoru e kirimanatia ana e mātou i roto i ā mātou whakawhitiwhiti ki a koe, tae atu ki ā mātou:
Ko te mōhiohio whaiaro he mōhiohio mō tētahi tangata e taea ana te tautuhi pēnei i te ingoa o tētahi tangata, ngā taipitopito whakapā, te moniwhiwhi, ngā taipitopito mahi rānei.
Kua whanaketia tēnei kaupapahere kia aro ki ngā ture hāngai, tae atu ki te Privacy Act 2020. ka whakatakoto i te āhua o tā mātou kohi, whakamahi, whakaputa, puri me te whakarato āheinga ki ngā mōhiohio whaiaro.
Ka āta aro hoki mātou ki ā mātou takohanga i raro i Te Kawa Mataaho – Public Service Commission's Information Gathering Model Standards.
E ū ana mātou ki te tiaki i tō tūmataititanga. Ka whakaatu tēnei kaupapahere tūmataiti:
Ka kohi mātou i ngā mōhiohio whaiaro mō ngā take ā-ture e tūhono atu ana ki ā mātou mahi.
Ka uru ki tēnei:
Ka riro pea i a mātou ēnei mōhiohio i:
Ka kohi, ka whakamahi mātou i ngā mōhiohio whaiaro ki te:
He pānga pea o ngā mōhiohio ka kohia e mātou ki te whakahaere i tō rētitanga, te whakarato i ngā hua ahumoni me ngā ratonga awheawhe, te whakahaere rānei i ā mātou mahi whakawhanake tāone.
Ka kohi mātou i ngā mōhiohio whaiaro hāngai i a koe. ka kohia e mātou i ētahi puna maha, tae atu ki te wā i:
Kei te mutunga o ā mātou puka katoa he tauākī tūmataititanga hei pānui māhau.
Ka whakaae ētahi o ā mātou paetukutuku, taupānga rānei kia tuku koe i ngā mōhiohio whaiaro mā te whakakī i tētahi puka tuihono.
I mua i tō tuku i ētahi puka tuihono ki a mātou, ka tonoa koe ki te whakaū i te tika me te pono o ngā mōhiohio kua tukua e koe. Ka hopu haumaru mātou i ēnei mōhiohio, ā, ka whakamahi ki te whakahou i ā mātou patengi raraunga. Kātahi ka noho hei wāhanga o ō pūkete Kāinga Ora.
Ki te homai koe i ō taipitopito whakapā pēnei i te īmēra, waea pūkoro rānei, ka taea hoki e mātou ēnei te whakamahi hei tuku ki a koe:
Tāpiri ki te whiwhi mōhiohio whaiaro hāngai tonu i a koe, i raro i te ture e āhei ana mātou ki te kohi mōhiohio whaiaro mōu mai i ētahi atu tāngata, hinonga rānei i ētahi wā.
He wā anō e kore pea koe e mōhio kei ā mātou ēnei mōhiohio mōu. Ko ētahi o ngā rōpū tuatoru e kohia ai e mātou ngā mōhiohio ko:
Ka whakamahia pea ngā mōhiohio ka kohia e mātou ki te:
E whakatinana ai koe i ō takohanga, me tuku mai koe i ngā mōhiohio tika.
E inoi ana mātou ki a koe kia taea ai e mātou:
Ko ngā ture ka whakamahia e mātou ko ēnei:
I raro i te ture, me tuku mōhiohio mai koe kia pai ai tā mātou whakatau i ō kawenga me ngā whiwhinga. Ki te kore, tērā pea ka hāmenetia koe.
Ka whakamahi, ka whāki anake mātou i ngā mōhiohio whaiaro:
Kei roto i tēnei ko te whakamahi me te whakaatu i ngā mōhiohio hei whakahaere i ngā rētitanga, ngā tono first home grant me ngā tono Kiwibuild. I a mātou e whakahaere ana i tō rētitanga, tērā pea ka whakaatu mātou i ētahi mōhiohio ki ā mātou kaikirimana kia taea ai e rātou ngā kawenga tautiaki.
Ka whāki pea mātou i ngā mōhiohio whaiaro ina whakaaetia ana, hiahiatia ana rānei e te ture.
Tērā pea ka whāki pea mātou i ngā mōhiohio i te wā e tika ana mō ngā rangahautanga hāmene, i te wā rānei o tētahi whakatuma nui ki te hauora, haumaru rānei. Mēnā ka whakatumahia, ka tūkinotia rānei ā mātou kaimahi, ka tonoa pea e mātou te take nei ki ngā pirihimana, me te whāki i ngā mōhiohio e hāngai ana.
Ka whāki mātou i ētahi mōhiohio whaiaro ki ētahi atu tari kāwanatanga i raro i te ture pēnei i ngā whakaaetanga tiri mōhiohio kua whakaaetia, i te wā rānei o te mana ā-ture motuhake ki te tiri.
Ka uru ki tēnei:
Ka whakawhiti mōhiohio mātou mō ngā take tatauranga ki a Tatauranga Aotearoa. Ka whakamahia anō pea e mātou ngā mōhiohio whaiaro mō ngā take rangahau, ki te kore e whakaputaina i roto i te āhua e tautuhia ai te tangata e whai pānga ana.
Ka whāki pea mātou i ngā mōhiohio mō koutou ko tō kāinga ki ētahi atu tari whakarekereke ā-whānau i raro i te Family Violence Act 2018, ki ētahi atu tari manaaki, tiaki tamariki i roto i te ture Oranga Tamariki Act 1989.
Ka whāki hoki pea mātou i ō mōhiohio ki ngā rōpū tuatoru hei āwhina i a mātou ki te whakawhiti kōrero, ki te whakatairanga i ā mātou ratonga ki a koe.
Ka whakaute mātou i tō tūmataititanga, me te matatapu o ō mōhiohio, māna, ka hiahia te ture kia whākina atu.
Ka hanga me te pupuri i tētahi taiao haumaru mō te tiakitanga o ō mōhiohio whaiaro me ō pūkete.
Ka whakamahia e mātou ngā haumarutanga tōtika hei tiaki i ngā mōhiohio kia kore e ngaro, kia kore e āhei te tangata āheinga-kore, te whakamahi, te whāki rānei.
Ka whai mātou i ngā hātepe tōtika ki te whakaiti i te mōrearea o te tūkinotanga o tētahi tautuhitanga ahurei kua tohua e mātou ki a koe, pēnei i tō tau kiritaki.
Ka whai mātou i ngā mahi tōtika ki te whakarite i te tika o ngā mōhiohio whaiaro ka kohia, ka whakamahia, ka whākina rānei e mātou.
I ngā wā ka tuku mōhiohio koe ki a mātou, hāngai tonu, mā tō māngai rānei, ka whakahoutia ā mātou pūkete.
Me whakamōhio mai koe i ētahi panonitanga o ō āhuatanga ka pā pea ki tō rētitanga, tō āheinga rānei ki ētahi o ā mātou hua, ratonga rānei.
Nōu te mana ki te tono kia whakatikahia ngā hapa o ngā mōhiohio e puritia ana e mātou mōu.
Ka pupuri mātou i ō mōhiohio whaiaro mō te wā e tika ana kia tutuki ai te kaupapa i kohia ai.
Mēnā ka noho ō mōhiohio whaiaro hei wāhanga o ō pūkete Kāinga Ora, ka pupuri mātou i ngā mōhiohio i runga anō i te Public Records Act 2005.
Ka āhei, ā, ka taea hoki te tirotiro i ā mātou paetukutuku me ngā taupānga me te kore e whāki i ō mōhiohio whaiaro.
E kore mātou e:
E kore mātou e ngana ki te tautuhi i ngā kaiwhakamahi, ā rātou mahi tirotiro rānei, ki te kore rātou e kōwhiri ki te tuku i ngā mōhiohio whaiaro ki ā mātou.
Ina toro koe i tā mātou mōhiohio ki te pānui, te tikiake rānei i ngā mōhiohio, ka hopu mātou i ētahi mōhiohio whaiaro-kore i tētahi kōnae whakamahi, hei tauira ko te:
Ka whakamahia hoki e ā mātou paetukutuku ngā tūtohu tongi, ngā tūtohu hunga tuatoru rānei hei aroturuki i ngā whanonga. Ka whakamahia i te taha o ngā pihikete, ā, i te nuinga o te wā he ata whakairo pūataata, kāore i nui atu i te 1 tongi x 1 tongi, ka waihotia ki tētahi paetukutuku, whārangi rānei.
Ka whakamahia e mātou tētahi tūtohu hunga tuatoru mai i DoubleClick Floodlight hei tatau i te maha o ngā wā kua toro atu ngā kaiwhakamahi ki tētahi whārangi tukutuku Kāinga Ora i muri i te kitenga, te pāwhiri rānei i tētahi o ā mātou pānuitanga.
I tēnei wā ka whakamahi ā mātou paetukutuku i a Google Analytics hei āwhina ki te tātari i te āhua whakamahi a ō mātou kiritaki i ā mātou pae. Ka whakamahi ēnei taputapu tātari i ngā "pihikete wātū", otirā he kōnae kuputuhi ka utaina ki tō rorohiko, hei kohi i ngā mōhiohio whakamahinga ipurangi ahuwhānui me ngā mōhiohio whanonga kaitoro ki te āhua kirimuna.
Ko ngā mōhiohio i hangā e te pihikete Google Analytics mō tō whakamahi i te paetukutuku, tae atu ki tō wāhitau IP, ka tukuna, ka puritia hoki e Google i waho ake o Aotearoa. Ko ngā raraunga whaiwhai ka puritia i tētahi pātengi raraunga e whakahaeretia ana e Google. Kātahi ka whakamahia te raraunga whaiwhai e Google hei whakahiato pūrongo tatauranga i ngā hohenga paetukutuku kia pai ai tā mātou arotake i te whakamahinga pae. Mā tēnei ka taea e mātou te:
E kore mātou e whakamahi i ngā taputapu tātari paetukutuku ki te whaiwhai, te kohi rānei i ngā mōhiohio tautuhi whaiaro o ngā kaitoro ki ā mātou paetukutuku, pēnei i ngā ID me ngā kupumuna. E kore mātou e pāhono i ngā raraunga ka kohia i ā mātou pae ki ētahi atu mōhiohio tautuhi whaiaro nō ētahi atu puna, hei wāhanga o ā mātou whakamahi i ngā taputapu tātari paetukutuku. E kore mātou e tūhono, e rapu ki te tūhono i tētahi wāhitau IP ki te tuakiri o tētahi kaiwhakamahi rorohiko.
Ka whakamahia hoki e ētahi o ā mātou ratonga tuihono ngā pihikete wātū ki te tautuhi i tō wātū takiuru i te wā e whakamahi ana koe i te ratonga. Ka mōnehu ēnei pihikete i te wā ka takiputa koe, i te 15 mineti rānei o te hohenga-kore, ā, kāore he mōhiohio whaiaro i roto.
Ka taea e koe te whakaae, te whakapeka rānei i ngā pihikete mā te whakakē i ngā tautuhinga kei tō pūtirotiro. Ka taea e koe te tautuhi i tēnei āheinga mā te arotake i ngā rauemi tautoko kua tukuna e tō kaiwhakarato pūtirotiro. E kore te mono pihikete e pā ki tō āheitanga ki te whakamahi i ā mātou paetukutuku.
Ka taea ō mōhiohio te tono mai i a mātou i raro i te Privacy Act 2020. Ka taea hoki e koe te tono i ētahi atu mōhiohio e puritia ana e Kāinga Ora i raro i te Official Information Act 1982.
Kei a koe te mana ki te tono āheitanga ki ngā mōhiohio whaiaro e pupuri nei mātou mōu hei wāhanga o ō pūkete Kāinga Ora. Ka taea hoki e koe te whakauru atu ki ō mōhiohio i ngā wā katoa mā MyKāingaOra.
Tēnā waea mai ki a mātou i 0800 801 601 ki te tono i tētahi tārua o ō mōhiohio whaiaro. Ka hiahia pea mātou i ki te whakahāpono i tō tuakiri i mua o te tuku i tētahi tārua o tēnei mōhiohio ki a koe.
Ka urupare mātou ki tētahi tono mōhiohio i roto i te 20 rā mahi i muri o te whiwhinga. Ka tukuna e mātou he reta mēnā ka roa ake te wā urupare. Ina whakakāhore mātou i tētahi tono āhei, ka tukuna e mātou he reta me te kī he aha i whakakāhoretia ai, ā, me te whakatakoto i ētahi atu hātepe hei whai māhau.
Ki te whakaaro koe e hē ana ētahi o ngā mōhiohio e mau nei i a mātou mōu, ka taea e koe te tono mai kia panonitia. Ka aromatawaitia e mātou tō tono, ā, ka panonitia te mōhiohio e tika ana, ka whakamārama rānei he aha mātou i whakaaro ai kāore pea e tika ana kia panonitia. Ki te kore mātou e whakatika i tō kōnae, kei a koe tonu te mana kia tāpirihia tō ake tauākī whakatika, ā, ka tuhipokatia tō tono panoni i runga i ō pūkete.
http://kaingaora.govt.nz/contact-us/make-an-official-information-act-oia-request/
I Kāinga Ora, e ū ana mātou ki te whakarato ratonga tino pai rawa atu. Ki te kore koe e rata ki tā mātou ratonga, ā mātou tukatuka, tētahi whakatau kaupapahere rānei, ka taea e koe te whai i tā mātou tukanga amuamu.
Ki te whakatau koe ki te tuku amuamu ki tētahi atu rōpū ā-waho, kaiwaeture pēnei i te Kaitiaki Mana Tangata, Te Mana Mātāpono Matatapu rānei, kātahi ka tiri pea mātou i ō mōhiohio ki a rātou hei wāhanga o ngā pakirehua.
http://kaingaora.govt.nz/tenants-and-communities/our-neighbours/provide-feedback-or-a-complaint/
Mēnā he pātai āu, he āwangawanga rānei mō tā mātou kaupapahere tūmataititanga, tēnā whakapā atu ki:
Te Āpiha Tūmataititanga
Tari Matua
Kāinga Ora – Homes and Communities
Pouaka Poutāpeta 2628
Te Whanganui-a-Tara 6140
Īmēra Privacyofficer@kaingaora.govt.nz
Ki te kore e rata ki a koe tā mātou urupare ki tō amuamu, ka taea e koe te whakapā atu ki te Mana Mātāpono Mātātapu:
Te Mana Mātāpono Mātātapu:
Pouaka Poutāpeta 10094
Te Whanganui-a-Tara 6143
Waea 0800 803 909
Waea whakaahua 04 474 7590
Īmēra enquiries@privacy.org.nz
Ka whakahaere te Kaitiaki Mana Tangata i ngā amuamu, me te tūhura i ngā whakahaere o ngā tari kāwanatanga, tae atu ki ngā tono mōhiohio ōkawa.