Taiala o Tulaga e lē Faalauaiteleina
E faaaogā la matou taiala o tulaga e lē faalauaiteleina i faamatalaga uma e patino i le tagata ua aoina e le aufaigaluega, konekarate ma isi paaga a le Kāinga Ora – Homes and Communities o lo o fesootai ma oe e tusa ma a matou fesootaiga uma, e aofia ai fesootaiga i auala nei:
O faamatalaga patino o faamatalaga e faatatau i auala e mafai ai ona iloa le tagata e pei o le igoa, faamatalaga tau fesootaiga, tupe maua po o faamatalaga auiliili i galuega.
Ua saunia le taiala lenei e tusa ai ma tulaga e tatau ona usitaia o tulafono talafeagai, e aofia ai le Privacy Act 2020. O lo o faataatia mai ai auala e mafai ai ona matou aoina, faaaogāina, faailoa, teu ma maua ai faamatalaga patino.
Matou te faia foi tulaga e ausia ai a matou tuutuuga i lalo o le Te Kawa Mataaho – Public Service Commission‘s Information Gathering Model Standards.
Matou te faatinoa auala e mautinoa ai le malupuipuia o tulaga e patino ia te oe. O tulaga nei o aofia i le taiala o tulaga e lē faalauaiteleina:
Matou te aoina faamatalaga patino mo galuega ua faatulafonoina e fesootai ma a matou tiute tauave.
E aofia ai le:
Matou te ono maua faamatalaga nei mai:
Matou te aoina ma faaaogā faamatalaga patino e:
E ono fesootai faamatalaga o matou aoina i le faafoeina o lau mautotogi, ma le saunia o tulaga tau tupe ma auaunaga e patino i le tagata, po o le faatinoina o meafai mo le atinaega o taulaga.
Matou te aoina sa‘o mai ia te oe faamatalaga e patino ia te oe E tele auala matou te maua ma aoina mai ai faamatalaga, e aofia ai taimi e te:
O lo o tusia i le vaega mulimuli o pepa uma e faatumu le faamatalaga o tulaga e lē faalauaiteleina e tatau ona e faitau i ai.
O nisi o a matou upegatafailagi po o talosaga e faataga ai ona e tuuina mai faamatalaga patino pe a faatumu faamatalaga o moomia i le pepa e maua i luga o le initaneti.
A o lei tuuina mai se pepa o faamatalaga na faatumu i luga o le initaneti, o le a toe faamanatu atu ia te oe pe moni ma sa‘o faamatalaga ua e tuuina mai. Matou te faamaumauina lelei faamatalaga nei ma faaaogā e faafou ai faamaumauga o teuina ia matou faila. O le a faaopoopo faamatalaga nei i lau faila o faamauina e le Kāinga Ora.
Afai na e tuuina mai faamatalaga e faafesootai atu ai e pei o le tuatusi o le imeli po o le numera o le telefoni feaveai, o auala nei e mafai ai foi ona matou lafoina atu ia te oe:
E lē gata i le aoina sa‘o mai ia te oe o faamatalaga e patino ia te oe, ae faatagaina e le tulafono ona matou aoina faamatalaga e patino ia te oe mai isi tagata ma faalapotopotoga i nisi o tulaga.
O nisi o taimi e te lē o iloa ua matou maua faamatalaga nei e faatatau ia te oe. O nisi o paaga matou te aoina mai ai faamatalaga e aofia ai:
Matou te ono faaaogāina faamatalaga ua matou aoina e:
O lou tausisia o au matafaioi e aofia ai lou tuuina mai o faamatalaga sa‘o.
O faamatalaga matou te talosagaina e mafai ai ona matou:
O tulafono matou te faaaogāina e aofia ai le:
E tusa ai ma le tulafono, e tatau ia te oe, ona tuuina mai faamatalaga e faamautinoa ai tupe e te totogia po o mea e te agavaa ai. E ono tuuina atu se faasalaga pe afai e te lē usitaia tulaga nei.
Faatoa matou faaaogāina ma faailoa faamatalaga patino:
E aofia ai le faaaogāina ma le faailoaina o faamatalaga mo le faafoeina o maliega mautotogi, talosaga mo se first home grant, ma talosaga mo le Kiwibuild. O le faafoeina o lau maliega mautotogi, e ono faailoa ai faamatalaga i konekarate e mafai ai ona latou faatino galuega faaleleia.
Matou te ono faailoa faamatalaga patino pe a faatagaina po o tulaga faatulafonoina e tatau ai.
Matou te ono faailoa faamatalaga pe a talafeagai ai mo le suesueina o ni solitulafono, po o tulaga taufaamata‘u e ono lamatia ai le soifua maloloina po o le saogalemu. Afai e faamata‘u pe sauaina la matou aufaigaluega, o tulaga nei e ono faailoa i le Ofisa o Leoleo ma faailoa ai faamatalaga talafeagai.
Matou te faailoa nisi o faamatalaga patino i isi matagaluega a le malo i lalo o le tulafono e pei o maliega aloaia e faasoa ai faamatalaga po o faatonuga maoti faatulafonoina e faasoa ai.
E aofia ai le:
Matou te fefaasoaa‘i faamatalaga mo galuega faafuainumera ma le Statistics New Zealand. Matou te ono faaaogā foi faamatalaga patino mo suesuega, ma e faia le tulaga lea i se auala e lē mafai ai ona iloa se tasi o ta‘ua i faasalalauga ua faia.
Matou te ono faailoa faamatalaga e faatatau ia te oe ma tagata o tou nonofo faatasi i isi matagaluega e gafa ma sauaga i totonu o aiga i lalo o le Family Violence Act 2018 po o isi matagaluega e gafa ma le tausiga ma le puipuiga o tamaiti i lalo o le Oranga Tamariki Act 1989.
Matou te ono faailoa foi faamatalaga i isi paaga o lo o fesoasoani mai e faailoa pe faalauiloa atu a matou auaunaga ia te oe.
Matou te talia tulaga e lē faalauaiteleina ai oe ma tausisia agatapuia se‘i vagana o se tulaga faatulafonoina e tatau ai pe faataga ai ona matou faailoa.
Matou te faia ma tausisia tulaga e malupuipuia ai faamatalaga ma faamaumauga e patino ia te oe.
Matou te faaaogā auala tau puipuiga uma e puipuia ai faamatalaga ia aua ne‘i leiloa, po o le maua e nisi e aunoa ma se faatagana e maua, faaaogā, pe faailoa ai.
Matou te faia auala talafeagai uma e faaitiitia ai lamatiaga o le faaaogā sese o faailoga patino e iloa ai se tagata na matou tuuina atu ia te oe, e pei o lau numera e patino ia te oe.
O le a matou taumafai i tulaga uma e mafai ai ia mautinoa le sa‘o o faamatalaga patino ua matou aoina, faaaogāina ma faailoa.
O taimi uma e te tuuina mai ai faamatalaga ia i matou, pe tuuina sa‘o mai pe auala mai isi o fai ma ou sui, o taimi foi na o le a faafou ai faamaumauga o lo o matou umia.
E tatau ona e faailoa mai ni suiga o tulaga o feagai ai ma oe e ono aafia ai lau mautotogi po o tulaga e te agavaa ai mo nisi o oloa po o auaunaga.
E iai lau aiatatau e te talosaga ai mo ni faasa‘oga po o mea e lei aofia i faamatalaga o matou umia e faatatau ia te oe.
O le a matou teuina faamatalaga e patino ia te oe i le umi e talafeagai ai mo le ausia o matafaioi e tatau ona matou aoina ai.
Afai e avea faamatalaga e patino ia te oe ma vaega o faamaumauga a le Kāinga Ora, o faamatalaga nei o le a matou teuina e tusa ai ma le Public Records Act 2005.
E mafai ona e maua ma silasila i la matou upegatafailagi ma talosaga e aunoa ma le faailoa mai o faamatalaga e patino ia te oe.
Matou te lē:
Matou te lē taumafai ia iloa le tagata o faaaogāina auaunaga po o le taumafai e iloa mea na latou vaai i ai i luga o le initaneti se‘i vagana ua latou filifili e tuuina mai faamatalaga patino.
Afai na e tagai i la matou upegatafailagi e faitau pe fai ai se kopi o faamatalaga, matou te faamauina nisi o faamatalaga e lē patino i se faila, mo se faataitaiga o le:
E faaaogā foi e la matou upegatafailagi pixel tags po o tags a isi paaga e mata‘itu ai le faaaogāina o upegatafailagi. E faaaogā faatasi ma cookies ma e masani ona faailoa o ni ata e lē lanu tua o le ata, ma e lē silia ma le 1 pixel x 1 pixel, o faaali i le upegatafailagi po o se itulau.
Matou te faaaogā le tag mai isi paaga ua saunia e le DoubleClick Floodlight e iloa ai le aofaiga o taimi e faaaogā ai e tagata se upegatafailagi e patino i le Kāinga Ora pe a silasila pe tatala nisi o faasalalauga faalauiloa i luga o le initaneti.
E faaaogā e la matou upegatafailagi Google Analytics e mafai ai ona matou iloilo auiliili auala o faaaogā ai e tagata la matou upegatafailagi. O metotia e iloilo ai o se faiga e faaaogā ai "session cookies," o ni ituaiga faila o maua i lau komepiuta, e aoina ai faamatalaga masani pe a saini e tatala se upegatafailagi ma le faaaogāina o faamatalaga e tagata o tagai i upegatafailagi i se auala e lē iloa ai le tagata.
O faamatalaga ua faagaioia e le Google Analytics cookie e faatatau i lou faaaogāina o le upegatafailagi, e aofia ai le tuatusi o le IP, o faamatalaga nei e tuuina atu ma teuina e le Google o se kamupani i fafo atu o Niu Sila. E faamauina faamaumauga na mauaina i se faila faapitoa e pulea e le Google. E faaaogā faamaumauga na mauaina e le Google e tuufaatasia ai se lipoti faafuainumera o gaioiga na faaaogā ai le upegatafailagi e mafai ai ona matou malamalama i le faaaogāina o le upegatafailagi. E mafai ona matou malamalama i tulaga nei:
Matou te lē faaaogāina metotia e iloilo ai upegatafailagi e iloa pe aoina ai soo se faamatalaga e iloa ai se tagata o faaaogāina a matou upegatafailagi, e pei o IDs ma passwords. Matou te lē taumafai e fesootai soo se faamaumauga ua aoina mai la matou upegatafailagi ma soo se faamatalaga e iloa ai se tagata na tuuina mai isi auala o se vaega o la matou faaaogāina o metotia e iloilo ai upegatafailagi. Matou te lē taumafai e fesootai, pe saili ia fesootai, se tuatusi IP ma le tagata o faaaogāina le komepiuta.
O nisi o auaunaga i luga o le initaneti e faaaogā ai foi session cookies e iloa ai na e saini e tatala se itulau i le taimi o e faaaogāina ai le auaunaga. E uma le aogā o cookies nei i le taimi lava ua faauma ai po o totonu o le 15 minute talu ona leai ma se faaaogāina o le itulau i luga o le initaneti ma e leai ma se faamatalaga patino i le tagata o aofia ai.
E mafai ona e talia pe teena cookies pe a e suia faatulagana e mafai ai ona e silasila i upegatafailagi. E te maua le faiga lea pe a e tagai i faamatalaga ua saunia e le kamupani e umia le upegatafailagi. E leai se afaina o lou faaaogāina o a matou upegatafailagi pe a e faalēaogāina cookies.
E mafai ona e talosaga mo au faamatalaga o matou umia i lalo o le Privacy Act 2020. E mafai foi ona e talosaga mo isi faamatalaga o umia e le Kāinga Ora i lalo o le Official Information Act 1982.
E iai lau aiatatau e talosaga ai le fia maua o faamatalaga e patino ia te oe o matou umia o se vaega o faamaumauga o lau faila o umia e le Kāinga Ora. E mafai foi ona e maua nisi o faamatalaga i soo se taimi e faaaogā ai le MyKāingaOra.
Faamolemole vili mai i le 0800 801 601 e talosaga ai se kopi o faamatalaga e patino ia te oe. Matou te ono moomia se faamaoniga o lou tagata moni a o lei tuuina atu se kopi o faamatalaga nei.
E 20 aso faigaluega e faagaioia ai se tali i se talosaga mo faamatalaga talu mai le aso na matou maua ai le talosaga. O le a matou tuuina atu se faaaliga tusitusia pe afai e moomia le faaopoopo o le taimi e tuuina atu ai se tali. Afai matou te teena se talosaga e fia maua ai faamatalaga, o le a matou faailoa atu le tulaga lea i se tusi ma faailoa atu mafuaaga ua teena ai ma faataatia isi laasaga e mafai ona e uia.
Afai e te manatu o nisi o faamatalaga o matou umia e faatatau ia te oe o ni faamatalaga e lē sa‘o, e mafai ona e talosaga mai mo se faasa‘oga. O le a matou suesueina lau talosaga ma o le a suia faamatalaga talafeagai, po o le faamatala atu o mafuaaga ua matou manatu ai e lē tatau ona suia faamatalaga. Afai matou te lē suia lau faila, e iai pea lava lau aiatatau e fai ai sau faamatalaga e faasa‘o ai ma faapipii i lau talosaga, ma o le a matou faamauina lau talosaga mo suiga i ou faamaumauga.
http://kaingaora.govt.nz/contact-us/make-an-official-information-act-oia-request/
O le matafaioi a le Kāinga Ora, le saunia o auaunaga sili ona lelei. Afai e lei faamalieina oe i se auaunaga ua matou saunia, po o se faaiuga ua matou faia e tusa ma a matou taiala, e mafai ona e tuuina mai lau faaseā i le faagasologa o lo o faia ai.
E mafai ona e filifili e tuuina atu lau faaseā i se isi faalapotopotoga po o se pulega e pei o le Ombudsman po o le Office of the Privacy Commissioner, ma o tulaga nei o le a matou faailoa ai ia i latou faamatalaga o se vaega o suesuega o latou faia.
http://kaingaora.govt.nz/tenants-and-communities/our-neighbours/provide-feedback-or-a-complaint/
Afai o e fia malamalama i se mataupu po o ni atugaluga e faatatau i la matou taiala o tulaga e lē faalauaiteleina, faamolemole faafesootai:
The Privacy Officer
National Office
Kāinga Ora – Homes and Communities
PO Box 2628
Wellington 6140
Imeli privacyofficer@kaingaora.govt.nz
Afai e te lē o malie i se tali ua matou tuuina atu e tusa ai ma se atugaluga na e faaalia, e mafai ona e faafesootai le Privacy Commissioner:
Officer of the Privacy Commissioner
PO Box 10094
Wellington 6143
Telefoni 0800 803 909
Fax 04 474 7590
Imeli enquiries@privacy.org.nz
E taulimaina e le Office of the Ombudsman faaseā ma suesueina auala na faafoeina ai e se matagaluega a le malo se mataupu, e aofia ai mataupu e fesootai i talosaga mo faamatalaga aloaia.